नंदुरबार : दिपावली पर्वावरील धनत्रयोदशीला अस्तंबा ऋषीची यात्रा भरते. आजपासून सुरू झालेल्‍या या यात्रेला नंदुरबार जिल्ह्यासह गुजरात व मध्यप्रदेश राज्यातील हजारो भाविक पदयातत्रेने अस्तंबा ऋषीच्या दर्शनासाठी शिखराकडे रवाना झाले आहे. (nandurbar-news-shrine-of-the-sage-Astamba-on-a-four-thousand-feet-high-peak-start-of-the-pilgrimage)

अस्तंबा ऋषीच्या दर्शनाची ओढ घेवुन घोषणा करीत भाविक हजारो फुट शिखर सहज चढतात. निसर्गरम्य वातावरणात वसलेल्या अस्तंबा ऋषीच्या यात्रेचे भाविकांना आकर्षण असते. म्हणुनच या यात्रेला येणा-या भाविकांची संख्या वर्षानुवर्ष वाढत आहे. समुद्र सपाटीपासुन ४ हजार फुट उंच शिखरावर अस्तंबा ऋषीचे देवस्थान आहे. भाविकांची श्रध्दा असल्याने हाती भगवा झेंडा घेत 'अस्तंबा ऋषी महराज की जय' चा जयघोष करीत भाविक पदयात्रेने सुरुवात झाली आहे.

मिरवणुका व सोंगाड्या पार्टी कार्यक्रम रद्द

कोरोनाच्या पार्श्वभूमीवर यंदा भाविकांद्वारे यात्रे दरम्‍यान निघणाऱ्या मिरवणुका व स्थानिक सोंगाड्या पार्टीचे कार्यक्रम रद्द करण्यात आले आहे. यात्रा परिसरात अनावश्यक गर्दी करू नये. कोरोना नियमांचे पालन करावे असे आवाहन पालकमंत्री यांनी केले आहे.