सागर निकवाडे

नंदूरबार : नंदुरबार जिल्ह्यातील सातपुडा परिसरात असलेल्या धडगाव तालुक्यात वादळी वाऱ्यासह जोरदार पावसाने (Rain) हजेरी लावली. अचानकपणे आलेल्या वादळी वाऱ्यांमुळे बाजारसाठी जमलेल्या नागरिकांची चांगलीच धावपळ उडाली. वादळी (Nandurbar) वाऱ्याचा वेग जास्त असल्याने अनेक घरांचे पत्रे उडाले असून आदिवासी कुटुंबातील घरांचे मोठे नुकसान झाला आहे. (Latest Marathi News)

गुजरात राज्यमध्ये अचानक तयार झालेल्या कमी दाबाच्या प्रभावामुळे नंदूरबार जिल्ह्यात वादळी वारे आणि हलका पाऊस पुढील काही तासात पडण्याची शक्यता हवामान खात्याने वर्तवली आहे. त्यामुळे सकाळी दहा वाजेपासूनच जिल्ह्यात ढगाळ वातावरण आणि जोरदार वादळ वारा सुरू झाला आहे. सकाळपासूनच ढगाळ वातावरण व जोरदार वारा सुरू आहे. यात नंदुरबार जिल्‍ह्यातील धडगाव तालुका परिसरात जोरदार अवकाळी पावसाचे आगमन झाले.

नागरीक बालंबाल बचावले

जोरदार वारा असल्‍यामुळे घरांचे पत्रे हवेत उडाले. यामुळे अनेक नागरिक बालंबाल वाचले असून अनेक झाडेही रस्त्यावर कोसळल्याने मोटरसायकलीचेही नुकसान झाल्याचे चित्र आहे. अचानकपणे आलेल्या वादळी वाऱ्यामुळे मयतीसाठी जमलेल्या नागरिकांची तारांबळ उडाली. यामुळे तालुक्‍यातील उमराणी गावात माहितीसाठी जमलेल्या नागरिकांची देखील धावपळ उडाली आहे.