सागर निकवाडे

नंदूरबार : भारतात पेट्रोल आणि डिझेलचे भावाने शंभरी पार केली आहे. मात्र अनेक देशाच्या मानाने भारतात (Petrol) पेट्रोल आणि डिझेलचे भाव कमी आहेत. दुसऱ्या देशात पेट्रोलचे भाव भारतापेक्षा जास्त असून, भारतात पेट्रोल आणि डिझेलवर जीएसटी लावण्यात आलेली नसल्‍याची माहिती केंद्रीय अर्थ राज्‍यमंत्री डॉ. भागवत कराड (Bhagwat Karad) यांनी दिली. (Latest Marathi News)

केंद्रीय अर्थ राज्‍यमंत्री डॉ. भागवत कराड हे आज नंदुरबार जिल्‍ह्यात दौऱ्यावर आहेत. या दौऱ्यादरम्‍यान माध्‍यमांशी संवाद साधताना ते बोलत होते.

महाराष्‍ट्रात अगोदरच दर कमी केलेत

जीएसटी हा प्रत्येक राज्याच्या अधिकार आहे. त्यामुळे प्रत्येक राज्याने आपापल्या जीएसटीप्रमाणे पेट्रोल आणि डिझेलवर कर आकारले जात आहे. मात्र महाराष्ट्र सरकारने पहिलेच कॅबिनेटमध्ये पेट्रोल आणि डिझेलचे भाव कमी केले आहेत. त्यामुळे मुख्यमंत्री आणि उपमुख्यमंत्री यांच्या आभार मानले पाहिजे असं वक्तव्य केंद्रीय राज्यमंत्री भागवत कराड यांनी केला आहे.