सागर निकवाडे 

नंदूरबार : राष्ट्र्रवादी शरद पवार गटाचे नेते आमदार रोहित पवार यांना दुसऱ्यांदा ईडीने चौकशीसाठी बोलावलं असून (Rohit Pawar) रोहित पवार यांच्या ईडी चौकशीवरून राष्ट्रवादी शरद पवार गट नंदुरबार (Nandurbar) जिल्ह्यात चांगलाच आक्रमक झाल्याचे चित्र पाहण्यास मिळाले. जिल्हाधिकारी कार्यालयासमोर घोषणाबाजी करत घंटानाद आंदोलन करण्यात आले.  (Tajya Batmya)

राष्ट्रवादी शरद पवार गटाचे नेते आमदार रोहित पवार यांना ईडीच्या चौकशीसाठी बोलावण्यात आले आहे. ईडीकडून (ED) दुसऱ्यांदा करण्यात येत असलेल्या चौकशीविरोधात राष्ट्र्वादी आक्रमक झाले आहे. त्यानुसार नंदुरबार जिल्ह्यातील सर्व तालुक्यांच्या ठिकाणी राष्ट्रवादी शरद पवार गटांच्यावतीने निदर्शने करण्यात आली. यावेळी भाजप सरकार विरोधात जोरदार घोषणाबाजी देखील करण्यात आली.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

घंटानाद करत निषेध 

जिल्हाधिकारी कार्यालयासमोर राष्ट्रवादी शरद पवार गटाकडून निदर्शने करण्यात आली. या निदर्शनांमध्ये कार्यकर्ते मोठ्या संख्येने सहभागी झाले होते. सरकारच्या विरोधकांच्या विषयी असलेल्या सूड भावनेचा निषेध करण्यासाठी घंटा नाद आंदोलन करण्यात आले.  यावेळी सरकारच्या विरोधात जोरदार घोषणाबाजी करण्यात आली.