सागर निकवाडे

नंदूरबार : नंदुरबार जिल्ह्यात बाजार समितीच्या निवडणुका होत असून या (Nandurbar News) निवडणुकीसाठी सर्वच पक्ष आता तयारीला लागले आहेत. (Shiv Sena) शिवसेना शिंदे गट कार्यकर्त्यांसोबत बैठक घेण्यात आली. येणाऱ्या बाजार समितीच्या निवडणूक पूर्ण ताकतीने लढणार आहे. (Maharashtra News)

नंदुरबार जिल्ह्यातील नंदुरबार बाजार समिती सर्वात मोठी बाजार समिती आहे. यावर शिवसेनेचे वर्चस्व आहे. त्यामुळे बाजार समितीवर पुन्हा आपल्या ताब्यात घेण्यासाठी प्रयत्न करत आहेत. त्यासाठी कार्यकर्ते कामाला लागण्याचे आदेश माजी आमदार तथा शिवसेनेचे नेते चंद्रकांत रघुवंशी यांनी दिले आहेत. बाजार समितीवर (Bajar Samiti Election) पुन्हा सत्ता आल्यास शेतकऱ्यांच्या मालाला योग्य भाव मिळवून देण्याचे प्रयत्न केला जाणार आहे.

शेतकऱ्याच्या मालाला कवडी मोल भाव मिळत असल्याने शेतकरी हवालदिल झाला असून, शिवसेना ही शेतकऱ्यांच्या पाठीशी उभी राहणार असून शेतकऱ्यांना न्याय देण्यासाठी नंदुरबार बाजार समितीवर शिवसेनेची सत्ता हवी आहे; असं माजी आमदार तथा शिवसेना नेते चंद्रकांत रघुवंशी यांनी मार्गदर्शन यांनी यावेळेस कार्यकर्त्यांना सांगितले. त्यामुळे येणारी बाजार समिती चांगलीच रंगतदार होणार असल्याचे दिसून येत आहे.