सागर निकवाडे 
नंदुरबार : पक्ष ज्यांनी काढला त्यांचा तो असतो, निवडून आलेले प्रतिनिधी पक्षाचे मालक कधीच होऊ शकत नाही. (Nandurbar) त्यामुळे लोकप्रतिनिधींनी त्या पक्षावर हक्क सांगणे हे हास्यास्पद आहे. त्या गद्दार ४० आमदारांना (Shiv Sena) घरीच बसावे लागेल; असा टोला आमदार आमश्या पाडवी यांनी या वेळेस शिंदे गटाला लगावला आहे. (Maharashtra News)

शिवसेनेतील फुटीनंतर ४० आमदारांची अपात्रतेची सुनावणी विधानसभा अध्यक्ष यांच्याकडे सुरू आहे. या सुनावणीकडे सर्वांचे लक्ष लागून आहे. सत्य परेशान होत आहे; लेकिन पराजित नाही असं म्हणत आमदार अपात्रतेच्या विषयावर ठाकरे गटाचे नेते विधानपरिषद सदस्य आमदार आमश्या पाडवी यांनी जोरदार टोलेबाजी केली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कितीही तारखांवर तारखा येऊ द्या 

आमदार अपात्रतेच्या सुनावणीवर ठाकरे गटाचे विधान परिषद सदस्य आमश्या पाडवी यांची जोरदार टोलेबाजी केली. आमदार अपात्रच्या संदर्भात कितीही तारखांवर तारखा दिल्या तरीही निकाल पक्ष प्रमुख उद्धव ठाकरे यांच्या बाजूनेच लागेल. सत्यमेव जयते असे म्हणत आमच्या पाडवी यांनी शिंदे गटांचे आमदारावर जोरदार टोलेबाजी केली.