नंदुरबार : मांजरे (ता. नंदुरबार) शिवारातील शेतात विहिरीतून गाळ काढताना क्रेनमध्ये भरलेल्या (Nandurbar) मलिदामधील दगड विहिरीत काम करणाऱ्या मजुराच्या डोक्यात पडून गंभीर जखमी झाल्याने त्याचा मृत्यू झाला. याबाबत क्रेनचालकाविरुद्ध मनुष्यवधाचा गुन्हा दाखल करण्यात आला. (Live Marathi News)

मांजरे (ता. नंदुरबार) शिवारातील शेतकऱ्याचा (Farmer) शेतातील विहिरीतील गाळ काढण्याचे काम क्रेनचालक छोटूलाल चंद्राजी रेगर यास दिले होते. तो व त्याचा भाऊ मदन चंद्राजी रेगर (वय ३५, रा. राजस्थान) यांच्यासह काम करत होते. छोटूलाल क्रेन चालवीत होता. मदन विहिरीत असलेला मलिदा क्रेनमध्ये भरून देण्याचे काम करत होता.

क्रेन हलली अन्‌

मलिदा व दगड भरून क्रेन विहिरीतून वरती येत असताना ती हलली. त्यामुळे क्रेनमधील दगड मदनच्या डोक्यावर पडला. त्यात तो गंभर जखमी होऊन मृत्यू झाला. याबाबत नंदुरबार तालुका पोलिस ठाण्यात छोटूलाल चंद्राजी रेगर याच्याविरुद्ध मनुष्यवधाचा गुन्हा दाखल केला.