सागर निकवाडे

नंदूरबार : नंदुरबार जिल्ह्यातील अनेक सिंचन प्रकल्प मंजूर असून देखील काम रखडले आहेत. त्यामुळे शेतकऱ्यांना (Farmer) पाणी असून देखील शेतीला पाणी मिळत (Nandurbar) नसल्याची परिस्थिती उद्भवली आहे. (Maharashtra News)

नंदुरबार जिल्ह्यातील २२ उपसासिंचन प्रकल्प तापी बोराई अशा चांगल्या योजना असून देखील शेतकऱ्यांच्या पदरी निराशाच पडत आहे. अनेक जलसंपदा मंत्री होऊन गेलेत, मात्र नंदुरबार जिल्ह्यातील सिंचन प्रकल्पांकडून सर्रास दुर्लक्ष करत आले आहेत. त्यामुळे आता शासनाने गांभीर्याने लक्ष देऊन जिल्ह्यातील सिंचन प्रकल्प पूर्ण करावे; अशी मागणी भारतीय राष्ट्रीय समिती पक्षाकडून करण्यात आली आहे. 

जिल्ह्यातील सिंचन प्रकल्प पूर्ण झाल्याने हजारो हेक्टर जमीन सिंचनाखाली येणार आणि जिल्ह्यातील अनेक समस्या दूर होणार आहेत. शेतीला पाणी नसल्यामुळे जिल्ह्यातील अनेक शेतकरी रोजगाराच्या शोधात गुजरात, मध्य प्रदेश आणि महाराष्ट्रातील इतर जिल्ह्यात रोजगाराच्या शोधात जात असतात. त्यामुळे शासनाने जिल्ह्यातील सिंचन प्रकल्प लवकरात लवकर पूर्ण करा; अशी मागणी भारत राष्ट्र समिती पक्षाचे जिल्हाध्यक्ष मनलेश जयस्वाल यांच्याकडून करण्यात आली आहे.