नंदुरबार : राज्याचे आदिवासी विकास मंत्री तथा पालकमंत्री नंदुरबार ऍड. के. सी. पाडवी यांच्या हस्ते नंदुरबारमधील मुख्य शासकीय ध्वजारोहणाचा कार्यक्रम झाला. (Nandurbar-news-independance-day-celebereat-collector-office)

कोव्हीडच्या पार्श्वभुमीवर नंदुरबार जिल्हाधिकारी कार्यालयाच्या आवारात झालेल्या ध्वजारोहण कार्यक्रमात सुरवातील पोलीस दलाकडुन मानवंदना देण्यात आली. यानंतर सामुहीक राष्ट्रगाणानंतर स्वांतंत्र दिनाच्या ध्वजारोहणाचा कार्यक्रम संप्पन झाले. नंदुरबार जिल्ह्यातील कमी पर्जनमान्य ध्यानात घेता आगामी काळात शासन शेतकऱ्यांच्या मागे खंबीरपणे उभे असेल असा विश्वास यावेळी मंत्री के.सी पाडवी यांनी व्यक्त केला. तर जिल्ह्यातील कुपोषण निर्मुलनासाठी आगामी काळात विशेष प्रयत्न केले जाणार असल्याचे देखील यावेळी बोलतांना त्यांनी सांगितले. यानंतर त्यांच्या हस्ते महाआवास अभियान ग्रामीण अंतर्गत उत्कृष्ट काम करणाऱया संस्था व्यक्तिना पुरस्काराने सन्मानित करण्यात आले. सोबतच कोव्हीड काळात महात्मा फुले जीवनादायी योजना आणि प्रधानमंत्री जनआरोग्य योजने अंतर्गत उत्कृष्ट सेवा देणाऱ्या जिल्ह्यातील तीन खाजगी रुग्णालयांचा सन्मान देखील यांवेळी करण्यात आला. यावेळी जिल्हाधिकारी मनिषा खत्री, खासदार डॉ. हिना गावित, जिल्हा परिषद अध्यक्षा सीमा वळवी, जिल्हा परिषदेचे मुख्यकार्यकारी अधिकारी रघुनाथ गावडे, पोलीस अधिक्षक महेंद्र पंडीत, सहाय्यक जिल्हाधिकारी मीनल करनवाल आदिंसह पदाधिकारी अधिकारी मोठ्या संख्येने उपस्थित होते.