सागर निकवाडे

नंदूरबार : लोकसभा निवडणुकीच्या पार्श्वभूमीवर पोलिसांच्या वतीने ठिकठिकाणी तपासणी केली जात आहे. तसेच (Nandurbar) अवैध धंद्यांवर देखील कारवाई केली जात आहे. अशाच प्रकारे पोलिसांनी धाड टाकत मोठी कारवाई केली आहे. यात घरात साठवून ठेवलेला तब्बल १५ किलो गांजा (Police) पोलिसांनी जप्त केला आहे. (Latest Marathi News)

नंदुरबार जिल्हा हा आदिवासी बहुल जिल्हा म्हणून ओळखला जातो. या आदिवासी भागात पिकांमध्ये मोठ्या प्रमाणात गांजाची लागवड केली जात असते. अनेकदा पोलिसांनी कारवाई केल्यानंतर देखील अवैधपणे लागवड केली जात आहे. दरम्यान लोकसभेच्या अनुषंगाने अवैध धंद्यांवर आळा बसवण्यासाठी पोलीस कारवाई करत आहेत. अशीच कारवाई नंदुरबार जिल्ह्यातील धडगाव तालुक्यात झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

धडगाव पोलिसांना (Dhadgaon Police) मिळालेल्या गुप्त माहितीच्या आधारावर पोलिसांनी धडगाव तालुक्यातील अमला गावात तपासणी केली. या तपासणीत करमसिंग पावरा या व्यक्तीने आपल्या घरात मानवी शरीराला घातक असणारा गांजा बेकायदेशीररित्या विक्री करण्याच्या उद्देशाने साठवून ठेवलेल्या गांजावर पोलीस निरीक्षक आय. एन. पठाण यांनी धाड टाकली. यात १ लाख ११ हजार रुपयांचा एकूण १५ किलोंचा गांजा धडगाव पोलिसांनी जप्त केलेला आहे.