सागर निकवाडे

नंदूरबार : नंदूरबार जिल्ह्यातील तळोदा अवैध विदेशी मद्य वाहतूक करतांना तळोदा (Taloda) आमलाड रस्त्यावर पोलिसांनी (Police) कारवाई केली आहे. यात वाहन व मद्य असा १५ लाख ७७ हजार ५२८ रूपयांचा मुद्देमाल जप्त केला आहे. ही कारवाई तळोदा पोलिसांनी केली आहे. (Latest Marathi News)

नंदुरबार जिल्‍ह्यालगत असलेल्‍या मध्‍यप्रदेश व गुजरात राज्‍याच्‍या सिमेलगत भागातून मद्याची मोठी अवैध वाहतूक केली जात असते. अनेकदा कारवाई होवून देखील छुप्‍या पद्धतीने ही वाहतूक केली जाते. अशाच प्रकारे तळोदा पोलिसांना अवैध मद्याची वाहतूक वाहनातून होणार असल्याची गुप्त माहिती पोलीस निरीक्षक राहुलकुमार पवार यांना मिळाली होती. त्या माहितीच्या आधारे पोलिसांनी सापळा रचला.

मद्याचे २०७ खोके जप्‍त

त्‍यानुसार ट्रकमधून विदेशी मद्याचे २०७ खोके सुमारे ७ लाख ७७ हजार ५२८ रुपयांचे विदेशी मद्य व ८ लाखाचे वाहन असा एकूण १५ लाख ७७ हजार ५२८ रु मुद्देमाल जप्त करण्यात आला. ही कारवाई पोलीस निरीक्षक राहुलकुमार पवार यांचा पथकाने केली. चालक वाहन सोडून फरार झाला असून तळोदा पोलिस ठाण्यात गुन्हा दाखल करण्यात आला आहे.