सागर निकवाडे 

नंदुरबार : लहान मुलाने दुकानात जाऊन चॉकलेट घेतली. मात्र चॉकलेटचे पैसे दिले नाही. पैसे न दिल्याचा राग आल्याने दुकानदाराने बालकाला बेदम (Crime) मारहाण केल्याचा प्रकार (Nandurbar) नंदुरबार जिल्ह्यातील नवापूर येथे समोर आला आहे. या प्रकरणानंतर दुकानदाराविरोधात गुन्हा दाखल करण्यात आला आहे. (Maharashtra News)

नवापूर (Navapur) शहरात असलेल्या एका दुकानात दहा वर्षाचे दोन बालक चॉकलेट घेण्यासाठी दुकानात गेले. त्यांनी चॉकलेट घेतल्यानंतर पैसे न देता तिथून निघाले. दुकानदाराने दोघांनाही आरोड्या मारून चॉकलेटचे पैसे मागितले. मात्र त्यांनी पैसे न देताच निघून गेले. या गोष्टीचा राग येऊन दुकानदाराने त्यांच्या शोध घेतला पैसे का दिले नाही?त म्हणून बालकाला शिवीगाळ करत बेदम मारहाण करण्यात आली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दुकानदारावर गुन्हा दाखल 

दुकानदाराने केलेल्या मारहाणीत बालकाला दुखापत झाली आहे. घडला प्रकार मुलाने घरी सांगितला. यानंतर बालकाला मारहाण केल्याप्रकरणी दुकानदारा विरोधात नवापूर शहर (Police) पोलीस ठाण्यात गुन्हा दाखल करण्यात आलेला आहे.