सागर निकवाडे

नंदूरबार : नंदुरबार विधानपरिषदेचे आमदार आमश्‍या पाडवी यांनी ‘आमदारांची वारी, आली आपल्‍या दारी’ (Nandurbar) उपक्रम सुरू केला आहे. या उपक्रमांतंर्गत (Akkalkuwa) अक्‍कलकुवा तालुक्‍यात झालेल्‍या जनता दरबारात नागरीकांनी आमदारांपुढे आपल्‍या समस्‍यांची गाऱ्हाणी मांडली. (Maharashtra News)

विधान परिषदेचे सदस्य आमदार आमश्या पाडवी यांनी त्यांच्या संकल्पनेतून सामान्य जनतेच्या विविध समस्या तात्काळ सोडविण्यासाठी नंदूरबार जिल्ह्यातील प्रत्येक तालुक्यात जनता दरबार भरविण्याचा निर्णय घेतला आहे. त्या अनुषंगाने अक्कलकुवा तहसील कार्यालयात जनता दरबाराचे आयोजन करण्यात आले होते. जनता दरबारात तालुक्यातील सर्व विभागांचे वरिष्ठ अधिकारी व त्यांचे अधिनस्त कर्मचारी यांच्याकडुन वर्षभराच्या कामाचा आढावा सादर करण्यात आला.

जागेवरच सोडविले प्रश्‍न

जनता दरबारात आलेल्या सामान्य नागरिकांच्या विविध समस्या आणि त्यांचे म्हणणे ऐकुन जागेवर त्यांच्या समस्या व प्रश्न देखील सोडविण्यात आले. त्यामुळे अनेक महिन्यांपासुन आपल्या कामासाठी विविध शासकीय कार्यालयांचे उंबरठे झिजवणाऱ्या नागरिकांना मोठा दिलासा मिळणार आहे.