नंदुरबार : नाशिकमध्ये झालेल्या खाजगी बसच्या अपघातानंतर परिवहन विभागाने (RTO) खाजगी प्रवासी वाहनांची तपासणी मोहीम हाती घेण्यात आली आहे. या मोहीमे अंतर्गत आतापर्यत ३० वाहनांवर कारवाई करण्यात आली आहे. (Live Marathi News)

नाशिक (Nashik) येथे खासगी प्रवाशी वाहतुक बसचा अपघात (Accident) होवून जळून खाक झाली. यात बारा प्रवाशी बसमध्‍येच जळाले. या भीषण अपघातानंतर राज्‍य भरात खासगी प्रवाशी बसची तपासणी मोहिम राबविली जात आहे. त्‍यानुसार नंदुरबार (Nandurbar) जिल्‍ह्यात देखील ही तपासणी केली जात आहे.

कागदपत्रांसह अग्निशमन यंत्रणेची तपासणी

नंदुरबार जिल्‍ह्यात राबविलेल्‍या मोहीमेत खाजगी प्रवासी वाहतुक करणाऱ्या बसेसचा परवाना आहे किंवा नाही. त्यांची कागदपत्रे, बसला रिफ्लेक्टर, बसमधील अग्निशमन यंत्रणा, आपत्‍कालीन परिस्थीतीमधील बाहेर जाण्याचा मार्ग तसेच वाहनात काही अनधिकृत बदल करण्यात आला आहे का? याची तपासणी केली जात आहे.