नंदुरबार : नंदुरबार जिल्ह्यात गेल्या दोन दिवसांपासुन अवकाळी पावसाने हजेरी लावल्यानंतर झालेल्या नुकसानीची आज जिल्ह्याचे पालकमंत्री ऍड. के.सी पाडवी यांनी पाहणी केली आहे. जिल्ह्यात या पावसाने झालेल्या नुकसानीचे पंचनामे सुरु आहेत.

हे देखील पहा :

अवकाळी पावसाने व प्रचंड थंडीमुळे जिल्ह्याभरात 276 मेंढ्या दगावल्या आहेत. अवकाळी पावसाने एक गाय देखील यात मृत झाल्याची घटना समोर आली आहे. याच पार्श्वभूमीवर पालकमंत्री ऍड.के.सी पाडवी यांनी नंदुरबार तालुक्यातील मांजरे येथील एका ठेल्लारीच्या कळपाला भेट दिली.

येथील परिस्थितीची पाहणी त्यांनी केली. या मेंढपाळांना कोणत्या शासकीय योजनांमधून मदत मिळेल याबाबत कृषी अधिकारी यांना सुचना देऊन या पावसाने झालेल्या नुकसानीचे तातडीने पंचनामे करण्याचे आदेश देखील त्यांनी प्रशासनाला दिले आहेत.

Edited By : Krushnarav Sathe