नंदुरबार: शहादा लोणखेडा बायपासवर फोरव्हीलर व मोटारसायकलची समोरासमोर भीषण धडकेत मोटरसायकलस्वार जागीच ठार झाला आहे. तर बोलेरो गाडीतील 6 जण जखमी झाले आहेत यापैकी एक जण गंभीर जखमी झाल्याने त्याला जिल्हा रुग्णालयात दाखल करण्यात आले आहे. शहादा लोणखेडा बायपास रस्त्यालगत असलेल्या पाटीदार मंगल कार्यालयासमोर बोलेरो (क्र. एम. एच. 39, जे. 3790) सिंधिदिगर येथील रहिवासी होते. तर कळंबू येथील दोघे म्हसावद येथे लग्नासाठी दुचाकीने ( क्र. एम. एच. 39, पी.8554 ) ने जात असताना बोलेरो व मोटारसायकलची समोरा समोर धडक झाली.
या अपघातात दुचाकीस्वार अजय सुभाष मोरे (25) रा. कळंबू ता. शहादा याचा जागीच मृत्यू झाला तर सागर सोमा सोनवणे रा.कळंबू ता. शहादा यांना गंभीर दुखापत झाली त्यांना पुढील उपचारासाठी जिल्हा रुग्णालयात दाखल करण्यात आले आहे. बोलेरो व मोटरसायकलचा हा भीषण अपघात झाल्यानंतर बोलेरो गाडी तीनदा उलटली याठिकाणी नागरिकांनी मोठी गर्दी केली होती. दरम्यान या बोलेरो गाडीतील ५ जण जखमी झाल्याची प्राथमिक माहिती शहादा पोलिसांनी दिली आहे. त्यांना ग्रामीण रुग्णालय म्हसावद येथे पुढील उपचारासाठी दाखल करण्यात आले. अपघातस्थळी शहादा पोलिस दाखल झाले असून पुढील कार्यवाही सुरू आहे.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.