सागर निकवाडे

नंदुरबार : नंदूरबार जिल्ह्यातील नवापुर (Navapur) येथील राष्ट्रीय महामार्ग सहावरिल कोंडाईबारी घाटाच्या खाली खांबचौदर गावाच्या शिवारात पहाटे चार वाजेच्या दरम्यान अपघात झाला. पहाटे ट्रक चालकाचा झोपेची डुलकी आल्‍याने अपघात झाला. यात चालकाचा जागीच मृत्‍यू झाला. (Breaking Marathi News)

औरंगाबादहुन अद्रक भरून गुजरात राज्यातील सुरत येथे जाणारा आयसर टेम्पोवरिल चालक कोंडाईबारी घाट येथून भरघाव वेगात जात होता. दरम्‍यान खांबचौदर गावाच्या (Nandurbar News) शिवारात झोपेची गुंगी आल्‍याने चालकाने समोर जात असलेल्या अज्ञात वाहनाला जोरदार धडक (Accident) दिली. या धडकेत टेम्पोची कँबीन चक्काचूर होवून चालक शेख रियाकत शेख हबीब (रा.खुलताबाद जि.ओरंगाबाद) हा जागीच ठार झाला. तर सहचालक जबर जखमी झाल्याची घटना घडली.

क्रेनच्‍या सहाय्याने काढले दोघांना बाहेर

यावेळी महामार्ग सुरक्षा पोलीसांना माहीती मिळताच घटनास्थळी धाव घेऊन क्रेनच्या सहाय्याने मयत चालक आणि जखमी सहचालकाला बाहेर काढले. सहचालक जबर जखमी असल्याने त्यास उपचारासाठी नंदुरबार जिल्हा रुग्णालयात दाखल करण्यात आले आहे.