- संजय सूर्यवंशी

Nanded :

मराठा आंदाेलक मनाेज जरांगे पाटील (manoj jarange patil) आणि मराठा समाजाच्या आंदोलनावर (maratha andolan) यांच्यावर लावण्यात आलेली विशेष चौकशी समिती अर्थात एसआयटी (SIT) रद्द करा अशी मागणी राज्यभरात हाेऊ लागली आहे. नांदेड जिल्ह्यातील अर्धापूर तालुक्यातील सकल मराठा समाजाच्या वतीने देखील ही मागणी करण्यात आली आहे. (Maharashtra News)

महाराष्ट्र राज्यामध्ये मराठा समाजाच्या ओबीसी अंतर्गत आरक्षण मागणी हा लढा गेली 40 वर्षे पासून सुरू आहे. पुन्हा त्याच धर्तीवर मागील सात महिन्यांपासुन राज्यात आंदोलन सुरू आहे.

महाराष्ट्र राज्यामध्ये मराठा समाजाला ओबीसी अंतर्गत आरक्षण मिळावे यासाठी मराठा आंदाेलक मनोज जरांगे पाटील यांनी हा लढा सुरू केला आहे. आरक्षणाचा प्रश्न मार्गी न लावता उलट मनोज जरांगे पाटील यांच्याविरूध्दच महाराष्ट्र सरकारने एसआयटी चौकशी लावली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याचा मराठा समाजाने निषेध नाेंदविला आहे. ही चौकशी मागे घेण्यात यावी, अन्यथा समाजात असंतोष पसरून समाज उग्र आंदोलन करणार असा इशारा अर्धापूर येथील सकल मराठा समाजाने साम टीव्हीशी बाेलताना सरकारला दिला.

Edited By : Siddharth Latkar