नांदेड : डाॅ. बाबासाहेब आंबेडकर जयंती निमित्त काढण्यात आलेल्या मिरवणुकीत नाचण्याच्या कारणावरून एका तरुणाचा चाकुने भोसकून खून (Murder) करण्यात आला आहे. तर, चाकू हल्ल्यात एक जण गंभीर जखमी झालाय. ही धक्कादायक घटना काल रात्री उशिरा नांदेड शहरातील वसंतराव नाईक काॅलेजच्या (Vasantrao Naik College Nanded) समोर घडलीय. सचिन थोरात असं खुन झालेल्या तरुणाचं नाव आहे. तर सुमेध वाघमारे असं गंभीर जखमी झालेल्या तरुणाचे नाव आहे.

हे देखील पहा :

आरोपी किशोर ठाकूर आणि आदिल शेख हे दोघे मिरवणूकीत नाचून अडथळा निर्माण करत असल्याने सचिन आणि सुमेधने त्यांना मिरवणुकीत नाचण्यास विरोध केला. हा राग मनात धरुन किशोर ठाकूर आणि आदिल शेख याने सचिन आणि सुमेधवर चाकूने हल्ला केला आणि फरार झाले.

चाकू हल्ल्यात जखमी झालेल्या दोघांनाही उपचारासाठी नांदेड (Nanded) जिल्हा शासकीय रुग्णालयात उपचारासाठी दाखल केले असता सचिनचा उपचारादरम्यान मृत्यू झाला. तर, सुमेधवर उपचार सुरू आहेत. या प्रकरणी आरोपी किशोर ठाकूर आणि आदिल शेख विरोधात ग्रामीण पोलीस ठाण्यात गुन्हा दाखल करण्यात आला आहे. हे दोन्ही आरोपी फरार असून पोलिस (Police) या दोन्ही आरोपीचा शोध घेत आहेत.

Edited By : Krushnarav Sathe