- संजय सूर्यवंशी

Nanded News : मासिक वेतनासाठी नांदेड महापालिकेच्या कंत्राटी सफाई कामगारांनी आज (बुधवार) काम बंद आंदाेलन छेडले आहे. दरम्यान आजच्या आजच वेतन मिळाले नाही तर उद्यापासून बेमुदत काम बंद करणार असल्याचा इशाला गणेश शिंगे (अध्यक्ष, कामगार संघटना) यांनी साम टीव्हीशी बाेलताना दिला. (Maharashtra News)

अर्धा महीना उलटला तरी मासिक वेतन न मिळाल्याने नांदेड महापालिकेच्या कंत्राटी सफाई कामगारांनी आज सकाळ पासून अचानक काम बंद केले. नांदेड शहरातील कचरा संकलन आणि वाहतुकीचे कंत्राट पालिकेने खाजगी कंपनीला दिले. मात्र कंपनीकडून कामगारांना कुठल्याच सोई सुविधा पुरवल्या जात नाहीं.

वेळेवर वेतन दिलं जात नाहीं. दर महिन्याच्या एक तारखेला वेतन देण्याचे मागच्या आंदोलनावेळी (aandolan) कंपनीने मान्य केलं होत. पण आज अठरा तारीख असताना वेतन मिळालं नाहीं असे कामगारांनी सांगितले.

कामगार संघटनेचे अध्यक्ष गणेश शिंगे म्हणाले पालिका प्रशासन चर्चा करायला तयार नाही. त्यामुळे आज कामबंद आंदाेलन केले आहे. आजच्या आज वेतन मिळालं नाही तर उद्या पासुन बेमुदत काम बंद करण्याचा इशारा कामगार संघटनेने दिला.

Edited By : Siddharth Latkar