- संजय सूर्यवंशी

Nanded News : मासिक वेतनासाठी नांदेड महापालिकेच्या कंत्राटी सफाई कामगारांनी आज (गुरुवार) पुन्हा काम बंद आंदाेलन छेडले. त्यानंतर कर्मचा-यांनी महापालिका कार्यालयावर माेर्चा काढला. (Maharashtra News)

नांदेड शहरातील कचरा संकलन आणि वाहतुकीचे कंत्राट पालिकेने खाजगी कंपनीला दिले. मात्र कंपनीकडून कामगारांना कुठल्याच सोई सुविधा पुरवल्या जात नाहीं. तसेच अर्धा महीना उलटला तरी मासिक वेतन न मिळाल्याने नांदेड महापालिकेच्या कंत्राटी सफाई कामगारांनी बुधवारी अचानक काम बंद केले.

दर महिन्याच्या एक तारखेला वेतन देण्याचे मागच्या आंदोलनावेळी कंपनीने मान्य केले होते. परंतु कामगारांना वेतन वेळेवर मिळत नसल्याने घर कसे चालवायचे असा प्रश्न त्यांच्यापुढे निर्माण झाला.

त्यातच पालिका प्रशासन देखील आमच्याशी चर्चा करायला तयार नाही असा कामगारांनी आरोप करत बुधवारी काम आंदाेलन छेडले. आज कामगारांनी महापालिका कार्यालयावर माेर्चा काढला.

साम टीव्हीशी बाेलताना कामगार संघटनेचे अध्यक्ष गणेश शिंगे म्हणाले पालिका प्रशासन चर्चा करायला तयार नाही. त्यामुळे आज माेर्चा काढावा लागला. आमच्या मागण्या मान्य न झाल्यास बेमुदत काम बंद आंदाेलन छेडले जाईल असा इशारा देखील कामगार संघटनेने दिला.

Edited By : Siddharth Latkar