संजय सूर्यवंशी

Crime in Nanded: नांदेडमधून एक धक्कादायक बातमी समोर आली आहे. मेव्हणी सोबत असलेल्या प्रेम संबंधातून एका युवकाचा धारदार शस्त्राने भोसकून खून करण्यात आल्याची घटना 17 जुलै रात्री अकराच्या सुमारास घडली आहे. या घटनेने नांदेड शहरात खळबळ उडाली आहे. या घटनेतील चौघा जणांना पोलिसांनी ताब्यात घेतल्याची माहिती आहे.  (Latest Marathi News)

इतवारा पोलीस (Police) ठाण्याच्या हद्दीतील किरण नामक युवकाचे याच भागातील एका युतीशी सुत जुळले होते. आपल्या मेहुणी सोबत असलेले त्याचे प्रेम संबंध यावरून किरण आणि शिवा यांच्यात अनेक वेळा वाद झाला होता. (Nanded Crime News)

वारंवार सांगूनही किरण यांचे प्रेम संपत नसल्याने अखेर मेहुणीच्या प्रियकराचाच काटा काढण्याचा कट शिवा आणि त्याच्या मित्रांनी रचला. 17 जुलै रात्री अकराच्या सुमारास शिवा, सुभाष आणि अन्य लोकांनी किरण याच्यावर धारदार शस्त्राने हल्ला केला.

यात किरणचा मृत्यू झाला. हत्येनंतर इतवारा पोलिसांनी तातडीने कारवाई करत चौघांना ताब्यात घेतल्याची माहिती समोर येत आहे. या घटनेनंतर पुन्हा एकदा नांदेड (Nanded) शहरात खळबळ उडाली आहे. उर्वरित आरोपीचा शोध पोलीस घेत आहेत.