संजय सूर्यवंशी

Nanded News: नांदेडमधून अपघाताची एक थरारक घटना समोर आली आहे. भरधाव वेगातील दुचाकी कारवर अदळल्याने दुचाकी चालकाचा जागीच मृत्यू झालाय. हा अपघात इतका भीषण होता की, दुचाकीचा चक्काचूर झाला आहे. (Latest Marathi News)

याबाबत अधिक महिती अशी की,नांदेड शहरालगत असलेल्या हसापूर बायपासवरील मामा चौक परिसरात ही घटना घडली आहे. सदर घटनेत रोहित मुदिराज असं मयत तरुणाचे नाव आहे. स्वातंत्र्य दिना निमित्त मित्रांनी मोटार सायकल रॅली काढली होती. या रॅलीत रोहित देखील शामिल झाला होता.

रोहित हा भरधाव वेगाने दुचाकी चालवत होता. यावेळी समोरून येणाऱ्या कारला दुचाकी धडकली. दुचाकी जास्त वेगात असल्याने धडकेत रोहित उंच हवेत फेकला गेला. डोक्याला मार लागल्याने त्याचा जागीच मृत्यू झालाय. या भीषण अपघातात कारचा आणि दुचाकीच्या काही भागाचा चुराडा झालाय. मयत रोहित मुदिराज हा काँग्रेस पदाधिकारी व्यकंट मुदिराज यांचा मुलगा होता. अपघाच्या या घटनेमुळे परिसरात एकच खळबळ उडाली आहे.

पुण्याकडे जाणारी वाहतूक बंद

सातारा पुणे मार्गावर खंबाटकी घाटाजवळ असणाऱ्या बोगद्यात चालत्या ट्रकवर लाईटचा अँगल पडून अपघात झाला आहे. अपघातात ट्रक चालक जखमी झालाय. सुदैवाने या दुर्घटनेत कोणतीही जीवितहानी झालेली नाही. बोगद्यातून पुण्याकडे जाणारी वाहतूक बंद करून सकाळपासून वाहतूक जुन्या रस्त्याने म्हणजेच खंबाटकी घाटामधून पुण्याकडे वळवली आहे.