Nana Patole News : थोरात यांनी ना राजीनामा दिला ना पत्र दिलं. बाळासाहेब थोरात आणि सत्यजित तांबे यांच्याबरोबर बसून चर्चा करू, चर्चा करून जो वाद आहे तो सोडवण्याचा प्रयत्न करू अशी भूमिका काँग्रेसचे प्रदेश अध्यक्ष नाना पटोले यांनी घेतली आहे. त्यांच्या या वक्तव्याने नाना पटोले यांनी नरमाईची भूमिका घेतल्याचं दिसत आहे. (Latest Nana Patole News)

सरकारनामा या वृत्तवाहिनीला दिलेल्या मुलाखतीमध्ये त्यांनी योग्य तो मार्ग काढून वाद मिटवण्याचं म्हटलं आहे. नाशिक पदवीधर निवडणुकीपासून काँग्रेसमधील अंतर्गत वाद चव्हाट्यावर आला. यात सत्यजीत तांबे यांनी देखील काँग्रेस नेतृत्वावर टीकास्त्र सोडलं. तसेच बाळासाहेब थोरातांनी आपल्या गटनेते पदाचा राजीनामा दिला.

या सर्वांत काँग्रेसमधील वाद चव्हाट्यावर आला. हा वाद मिटवण्यासाठी नाना पटोलेंनी पुढाकार घेतला आहे. 'बाळासाहेब थोरातांच्या पत्राची कॉपी मला दाखवा. पत्र किंवा राजीनामा लिहिलेलं कोणतंही पत्र मला दाखवा. कोणत्याही वृत्तपत्राने किंवा चॅनेलने ते पत्र दाखवलेलं नाही. म्हणजेच त्यांनी पत्र दिलेलं नाही,असं नाना पटोले यांनी म्हंटलं आहे.

बाळासाहेब थोरातांनी राजीनामा दिलेला नाही. त्यांचा राजीनामा हा बोलण्यापूरता आहे. असे असले तरी आता हा वाद मिटला आहे. परंतू माध्यमं हा वाद शांत होऊ देत नाहीत. ते वाद वाढवत आहेत. याबाबात आमची चर्चा सुरू आहे, असं नाना पटोले यांनी म्हटलं आहे.