नागपूर : नागपूर रेल्वे पोलिसांनी (Railway Police) रेल्वेमध्ये चोरी करणाऱ्या एका ३५ वर्षीय महिला चोराला अटक करण्यात यश मिळवले आहे. ही महिला अगदी साधेपणाने राहून रेल्वे (Railway) प्रवाशांमध्ये मिसळण्याची आणि संधी साधत चोरी करत होती. (Breaking Marathi News)

सदर महिला चोरा संदर्भातील तक्रारी रेल्वे पोलिसांकडे प्राप्त झाल्या होत्‍या. यानंतर पोलिसांनी ही कारवाई करत महिलेला सीसीटीव्हीच्या आधारे शोधून काढत आणि तिला अटक करण्यात यश मिळवले आहे. नागपूर रेल्वे स्थानकावर केलेल्या दोन चोऱ्यांचा उलगडा या महिलेकडून झाला असून मुद्देमाल सुद्धा जप्त करण्यात आला.

महिलांच्‍या टोळीचा संशय

सदर महिलेसोबत आणखी काही महिलांची टोळी आहे का? याचा सुद्धा शोध आता रेल्वे पोलीस घेत आहे. एकंदर म्हणजे रेल्वेमध्ये वाढलेल्या चोरीच्या घटना बघता पोलिसांनी या संदर्भात तपास सुरू केला आणि ही महिला चोर रेल्वे पोलिसांच्या हाती लागली. हिच्या टोळीचा सुद्धा आता रेल्वे पोलीस शोध घेत आहे