Nagpur Latest News: नागपुरातून एक धक्कादायक बातमी समोर आली आहे. भिवापूर येथील तरुणाने आत्महत्या केल्याची घटना उघडकीस आले आहे. रविवारी (दि. ३०) त्याचा वाढदिवस होता. रात्री ९ वाजण्याच्या सुमारास त्याने सर्वांसोबत बर्थडे सेलिब्रेशन केले. त्यानंतर पहाटे ४ वाजण्याच्या सुमारास त्याने गळफास घेत आत्महत्या केली.

श्रेणिक लांबाडे (२३) असे मृत तरुणाचे नाव असून, ताे शेखापूर ता. हिंगणघाट, जि. वर्धा येथील मूळ रहिवासी हाेता. तरुणाच्या या आत्महत्येने हळहळ व्यक्त केली जात आहे. तसेच श्रेणीकच्या कुटुंबियावर दुःखाचा डोंगर कोसळला आहे. (Latest Marathi News)

श्रेणिक लहानपणापासूनच भिवापूर येथील ऑफिसर कॉलनीत राहणारे मोठे वडील तुकाराम ठाकरे यांच्याकडे शिकला. मागील दीड वर्षापूर्वी तो आपल्या शेखापूर येथे आई-वडिलांकडे राहायला गेला होता. आता उन्हाळ्याच्या सुट्या असल्याने महिनाभरापूर्वी श्रेणिक भिवापूर येथे माेठ्या वडिलांकडे आला हाेता. (Nagpur News)

घटनेच्या दिवशी सायंकाळी ७ वाजेपर्यंत ताे मित्रांसाेबत होता. घरी परतल्यानंतर श्रेणिकने कुटुंबीय आणि मित्रांसाेबत केक कापत वाढदिवस साजरा केला. त्यानंतर कुटुंबीय झोपी गेल्यानंतर श्रेणिकने गळफास लावून घेत आपली जीवनयात्रा संपविली.

पहाटे ४ वाजेच्या सुमारास हा प्रकार समजताच कुटुंबीयांनी हंबरडा फाेडला. घटनेची माहिती मिळताच पाेलिसांनी (Police) घटनास्थळ गाठून पंचनामा केला. भिवापूर ग्रामीण रुग्णालयात (Hospital) उत्तरीय तपासणीनंतर मृतदेह कुटुंबीयांच्या सुपुर्द करण्यात आला. त्याच्यावर शेखापूर मूळगावी अंत्यसंस्कार करण्यात आले. मात्र, श्रेणिकनेने आत्महत्या का केली याचे कारण अद्याप अस्पष्ट आहे.