नागपूर शहारतील नंदनवन परिसरात ४ डिसेंबर रोजी एका तरुणावर आणि तरुणीवर जीवघेणा हल्ला झाला होता. या हल्ल्यात तरुणाचा मृत्यू झाला होता तर तरुणी गंभीर जखमी झाली होती. ही घटना प्रेमप्रकरणातून झाल्याचा संशय पोलिसांनी व्यक्त केला होता, मात्र आता या प्रकरणी मोठी अपडेट समोर आली आहे. संबंधित तरुणाच्या गर्लफ्रेंडनेच ही हत्या करून स्वतःवरही हल्ला केल्याचं पोलीस तपासात उघड झालं आहे. मृत तरुणाचं नाव बालाजी कल्याने असून त्याच्या प्रेयसीच नाव रती असं आहे.

मिळलेल्या माहितीनुसार, बालाजीला पोलीस व्हायचं होत. हे स्वप्न पूण करण्यासाठी तो मित्राच्या खोलीत राहून पोलीस भरतीची तयारी करत होता. त्याची गर्लफ्रेंड रती ही अधूनमधून त्याला भेटण्यासाठी त्याच्या घरी ये जा करायची. हल्ल्याच्या दिवशी सुद्धा रती बालाजीला भेटायला गेली. बालाजीने रतीवर लग्नासाठी दबाव आणला होता. मात्र रतीच्या वडिलांना हे लग्न मान्य नव्हतं. त्या दोघांमध्ये लग्न करण्याच्या मुद्द्यावरून वाद झाला.

संतापलेल्या तरुणीने चाकूने बालाजीवर वार केला. या झटापटीत बालाजीचा जागीच मृत्यू झाला. यानंतर तरुणीने स्वतःवर हल्ला करून जखमी करून घेतलं. त्यानंतर आरोपी तरुणी आणि मृत तरुण एकाच घरात आढळले. त्यानंतर स्थानिकांना ही घटना समजताच त्यांनी जखमी दोघांना रुग्णालयात दाखल केले.

पोलिसांनी या घटनेचा तपास सुरु केला असता. तरुणीने सुरुवातीला वेगवेगळे जबाब दिले. आरोपीने तरुणीने मोबाईल फॉर्मॅट करून पुरावे नष्ट करण्याचा प्रयत्न केला. मात्र बालाजीच्या भावाने पोलिसांना दिलेल्या तक्ररीवरून तरुणीच पितळ उघडं पडलं आहे. या घटनेने नागपूर शहरात खळबळ उडाली असून पोलिसांनी गुन्हा दाखल केला आहे.