पराग ढोबळे 

नागपूर : चोरीच्या गुन्ह्यात पोलिसांनी अटक केल्यानंतर तुरुंगवास भोगावा लागला. यानंतर तुरुंगातून काही दिवसांपूर्वी सुटका झाली. मात्र जेलमधून बाहेर पडताच पुन्हा घरफोडी करण्यास सुरवात केली. चोरीच्या गुन्ह्यात पुन्हा नंदनवन पोलिसांनी ताब्यात घेतल्यानंतर चोरी केल्याची कबुली संशयिताने दिली असून त्याच्याकडून मुद्देमाल हस्तगत करण्यात आला आहे. 

नागपूर शहरात काही दिवसांपूर्वी घरफोडीच्या घटना घडल्या होत्या. यात शहरातील  नंदनवन परिसरात झालेल्या घरफोडी मध्ये सुमारे ८ लाख रुपयांचा मुद्देमाल चोरीला गेला होता. या प्रकरणी संबंधितांकडून तक्रार दाखल करण्यात आली होती. याची दखल घेत पोलिसांनी त्याचा तपास करत असताना हा आरोपी नंदनवन पोलिसांच्या हाती लागला. पोलिसांनी आठ लाखापैकी चार लाख रुपयांचा मुद्देमाल हस्तगत केला आहे.

जेलमधून सुटल्यानंतर पुन्हा चोरी 

दरम्यान कुख्यात घरफोडी करणाऱ्या आरोपीला नंदनवन पोलिसानी अटक केली आहे. अफरोज शमशाद अन्सारी अस अटकेतील आरोपीच नाव आहे. विशेष म्हणजे अफरोज हा काही दिवसांपूर्वी जेल मधून बाहेर आला होता. त्यानंतर त्याने पुन्हा घरफोडी आणि चोरीच्या करायला सुरुवात केली होती. तपासात वेगवेगळ्या पोलीस स्टेशन हद्दीत चोऱ्या केल्याचं कबुली दिली. पोलीस आता त्याचा सुद्धा तपास करून मुद्देमाल हस्तगत करण्याचा प्रयत्न करत आहे.

दोघे दुचाकी चोर ताब्यात 
जालन्यात दुचाकी चोरणाऱ्या दोघांना सदर बाजार पोलिसांनी जेरबंद केल आहे. त्यांच्या ताब्यातून ५ लाख २० हजारांच्या आठ दुचाकी जप्त करण्यात आल्या आहे. गीतू राजपूत आणि निलेश बनसोडे अशी संशयित आरोपींची नावे आहेत. सदर बाजार पोलीस एका गुन्ह्याचा तपास करत असताना त्यांनी एका गुन्ह्यातील दुचाकी चोराला ताब्यात घेतलं. त्याचा अजून एक साथीदार असल्याची माहिती पोलिसांना मिळाली आणि या माहितीच्या आधारे पोलिसांनी या दोघांना ताब्यात घेऊन त्यांच्याकडून आठ दुचाकी जप्त केल्या आहे.