Nagpur News: दारू पिण्याचा शौक कोणाला कुठं नेईल काही सांगता येत नाही. अनेकदा घरच्या वस्तू विक्री करून दारूसाठी पैसे खर्च केले जातात. तर कधी उसनवारी करुन दारुची तलफ भागवणारेही अनेकजण आहेत. मात्र एका तरुणाने दारु आणि गांजा पिण्यासाठी चक्क बाईक चोरी करण्यास सुरूवात केल्याचा धक्कादायक प्रकार समोर आला आहे. ज्यामुळे परिसरात खळबळ उडाली आहे. (Latest Marathi News)

याबाबत अधिक माहिती अशी की, नागपूरच्या (Nagpur) पाचपावली पोलिसांच्या हाती एक असा चोरटा लागला ज्याला दारू, गांजा पिण्याचा शोक होता. त्याला आपले शौक पूर्ण करण्यासाठी पैशांची गरज पडायची. त्यामुळे ही गरज भागविण्यासाठी त्याने चक्क बाईक चोरीचा उद्योग सुरू केला. नागपूर शहरात वेगवेगळ्या भागात फिरून तो बाईक चोरी करायचा.

मात्र एका चोरीच्या घटनेचा तपास पोलीस (Police) करत असताना त्यांच्या हाती हा आरोपी लागला आणि पोलिसांनी आपला पोलीसी खाक्या दाखवताच त्याने पाच गुन्ह्याची कबुली दिली. दरम्यान, या पाचही बाईक पोलिसांनी जप्त केल्या असून याने आणखी कुठे अशा प्रकारच्या घटना केल्या का? याचे कोणी साथीदार आहे का? याचा शोध घेत आहे. नशेची तलफ भागवण्यासाठी चक्क चोरीचा मार्ग शोधणाऱ्या या चोराची सध्या चांगलीच चर्चा होताना दिसत आहे. (Crime News)