Nagpur News: कुटूंबासोबत गाडीवरुन जात असताना बांधकामावरील सळई पडून थेट अल्पवयीन मुलाच्या डोक्यात शिरली. नागपूर शहरातून ही धक्कादायक घटना समोर आली आहे. या प्रकरणी डॅाक्टरांनी शस्रक्रिया करुन सळई बाहेर काढली असून मुलाची प्रकृती स्थिर असल्याचे सांगण्यात आले आहे.

याबाबत सविस्तर माहिती अशी की, ३ वर्षीय मुलाच्या डोक्यात सळई शिरल्याची घटना नागपूर (Nagpur) शहरातील पारडी परिसरात घडली. सात दिवसांपूर्वी तो आपल्या कुटुंबासोबत दुचाकीवर जात होता. यावेळी उड्डाणपुलाच्या बांधकामावरील सळई पडून थेट चिमुकल्याच्या डोक्यात शिरली.

घटनेनंतर चिमुकल्याला तात्काळ रुग्णालयात दाखल करण्यात आले. डॅाक्टरांनी शस्रक्रिया करुन डोक्यातील सळई बाहेर काढली असून सध्या या मुलाची प्रकृती स्थिर असल्याचे सांगण्यात आले आहे.

दरम्यान, या प्रकरणी संंबंधित कंत्राटदारावर गुन्हा दाखल करण्यात आला आहे. तसेच शिवसेनेचे नेते गुड्डू रहांगडाले यांच्याकडून मुलाच्या कुटूंबियांना आर्थिक मदतही करण्यात आली असून कंत्राटदारावर कडक कारवाई करण्याची मागणी केली जात आहे. (Latest Marathi News)