Nagpur News: सध्या आयपीएलची सर्वत्र धुमधाम सुरु आहे. अशात अनेक तरुण मंडळी या मॅचच्या नावाखआली क्रिकेट सट्टा लावतात. या सट्ट्यानं एका मुलाचा आणि त्याच्या आईचा जीव घेतला आहे. क्रिकेटच्या सट्ट्यात हारल्याने एका तरुणाने आत्महत्या केली आहे. मुलाच्या आत्महत्येचा धसका बसल्याने त्याच्या आईने देखील आपलं जीवन संपवलं आहे. या धक्कादायक घटनेमुळे परिसरात शोककळा पसरलीये. (Latest Crime News)

क्रिकेटमध्ये गमावले ६ लाख

मिळालेल्या अधिक माहितीनुसार, खितेश वादवानी असे मृत मुलाचे नाव आहे. त्याने क्रिकेट सट्ट्यात सहा लाख रुपये गमावले होते. पैसे हारल्याने त्याच्यावर बुकिंगचा दबाव होता. त्यामुळे २० वर्षीय खितेशने या संकाटातून बाहेर पडण्यासाठी आपले जीवन संपवले. त्याने आपल्या राहत्या घरी गळफास घेत आत्महत्या केली आहे. नागपूरच्या लकडगंज पोलीस स्टेशन हद्दीतील ही खळबळजनक घटना घडलीये.

आईनेही घेतलं विष

मुलाच्या निधानाची बातमी समजताच त्याच्या आईच्या पायाखालची जमीनच सरकली. संपूर्ण कुटुंबावर दु:खाचा डोंगर कोसळला. खितेश आईचा फार लाडका होता. त्यामुळे त्याच्या आईला हा धक्का पेलवला नाही. मुलगा खितेशने आत्महत्या केल्याचं माहिती पडल्यानंतर आईने देखील विषारी द्रव्य पिऊन मृत्यूला कवटाळले.

एकाच वेळी आई अन् मुलावर अंत्यसंस्कार

खितेशच्या कुटुंबात त्याचे आई बाबा आणि बहिण असा परिवार राहत होता. एकाच वेळी कुटुंबातील दोन्ही व्यक्तींनी आपलं जीवन संपवल्याने बहिण आणि वडिलांना मोठा मानसिक धक्का बसला आहे. आई आणि मुलावर एकाच वेळी केले अंत्यसंस्कार करण्यात आलेत. मुलगी आणि वडील मानसिक धक्क्यात आहेत.