- सुशील थोरात

Nagar Crime News : नगर शहरातील कल्याण महामार्गावरून एका कंपनीच्या दारूचा साठा स्थानिक गुन्हे अन्वेषण शाखेच्या पथकांनी जप्त केला आहे. यामध्ये पोलिसांनी तब्ब्ल १५० दारूचे बॉक्स जप्त केले आहेत. या प्रकरणी २ संशयितांना अटक करण्यात आली आहे. (Maharashtra News)

कल्याण महामार्गावरून दारूचा अवैध साठा एका वाहनांतून जाणार असल्याची माहिती स्थानिक गुन्हे अन्वेषण शाखेचे पोलीस निरीक्षक दिनेश आहेर यांना मिळाली. त्यानुसार स्थानिक गुन्हे शाखेच्या पथकाने कल्याण महामार्गावरील नेप्तीनाका येथे सापळा लावला होता.

खब-याने दिलेल्या माहितीनूसार वाहन नगर येथे येताच ते थांबवण्याचा प्रयत्न पोलिसांनी केला. परंतु चालकाने वाहन वेगात पुढे नेले. त्यानंतर पाेलिसांनी सिनेस्टाइलने पाठलाग करुन वाहनाला अडविले.

दरम्यान वाहनाची झडती घेतली असता त्यामध्ये अवैध रित्या गोवावरून गुजरातकडे तब्ब्ल १५० बॉक्सचा दारूचा साठा नेण्यात येत असल्याचं आढळून येताच पोलिसांनी वाहन ताब्यात घेतले.

या प्रकरणी २ जणांना पोलिसांनी अटक केली आहे. त्यांची चोकशी करण्यात येत आहे अशी माहिती स्थानिक गुन्हे शाखेचे पोलीस निरीक्षक दिनेश आहेर यांनी साम टीव्हीशी बाेलताना दिली.

Edited By : Siddharth Latkar