Nitin Gadkari on Mobile Addiction: अलीकडे मुलं मैदानात कमी आणि मोबाइलमध्येच जास्त गुंग असल्याचे दिसतात. मुलांच्या मोबाइल वापरावर केंद्रीय मंत्री नितीन गडकरी चांगलेच संतापले आहेत.

'मोबाइल कुठून आला माहिती नाही', संपूर्ण पिढी मोबाइल ने उद्ध्वस्त केल्याचं सांगत मोबाइलवर गेम खेळताना कधी मुल अश्लील व्हिडीओ पाहतील सांगता येत नाही', असं म्हणत त्यांनी रोष व्यक्त केला आहे.

आज नागपुरात क्रीडा महोत्सव झाला. यामध्ये 7000 मुलांनी सहभाग घेतला. ते म्हणाले की, खेळाचे मैदान आणि स्विमिंग टँक बनवले तर मुलांना खेळायला बरं होईल, नाहीतर तुमच्या मुलांचं काय आणि माझ्या मुलांचं काय, दिवसभर मोबाइलवर बोलत राहतात. आज ते मोबाइलमध्ये कार्टून पाहतात, उद्या तीच मुलं अश्लील व्हिडीओ पाहतील, हा मोबाइल कुठून आला माहीत नाही, याने संपूर्ण पिढी उद्ध्वस्त केली आहे. (Latest Marathi News)

गडकरी म्हणाले की, ''मला एक चांगली बाग हवी आहे, असे मैदान हवे आहे जिथे लाखो मुले दररोज संध्याकाळी दोन तास मैदानावर खेळायला येतात.'' पंतप्रधान नरेंद्र मोदी यांच्या कार्यकाळाला ९ वर्षे पूर्ण झाल्याच्या निमित्ताने नागपुरात केंद्रीय मंत्री नितीन गडकरी एका कार्यक्रमात व्यावसायिकांना संबोधित करत होते. त्यावेळी ते असं म्हणाले आहेत.

काँग्रेसबद्दल केलं मोठं वक्तव्य

नितीन गडकरी यांनी काँग्रेसबाबत देखील मोठं केलं आहे. ते म्हणाले आहेत की, ''एकदा एका नेत्याने त्यांना काँग्रेसमध्ये जाण्याचा सल्ला दिला. यावर त्यांनी त्याला उत्तर दिल की, ''काँग्रेस पक्षाचा सदस्य होण्यापेक्षा मी विहिरीत उडी घेईन.''

त्यांनी दावा केला की, काँग्रेसच्या ६० वर्षांच्या सत्ताकाळाच्या तुलनेत भाजप सरकारने गेल्या ९ वर्षात देशात दुप्पट काम केलं आहे. ते म्हणाले की, काही दिवसांपूर्वी ते उत्तर प्रदेशमध्ये असताना त्यांनी लोकांना सांगितले होते की २०२४ च्या अखेरीस यूपीचे रस्ते अमेरिकेसारखे होतील.