Lok Sabha Election 2024

महाविकास आघाडीमध्ये वंचित बहुजन आघाडीने दिलेल्या प्रस्तावामुळे महाविकास आघाडी टिकणार की तुटणार ? असा प्रश्न उपस्थित झाला आहे. वंचित बहुजन आघाडीने एकूण 27 जागांची तयारी प्रस्तावामध्ये दर्शवली आहे. तर महाविकास आघाडीतील आतापर्यंत झालेल्या चर्चेत घटक पक्षाच्या वाट्याला आलेल्या संभाव्य जागांवर वंचितने दावा केला आहे. यामध्ये ठाकरे गटाच्या 7 जागा, काँग्रेसच्या 9 जागा तर राष्ट्रवादी पवार गटाच्या 5 जागांचा आणि तिढा असलेल्या 5 जागांवर वंचितने मागणी केली आहे. तर 48 पैकी शिवसेना ठाकरे गट एकूण वीस जागांवर निवडणूक लढवणार ठाम आहे.

लोकसभा निवडणुकीच्या जागावाटपासंबंधी काल महाविकास आघाडीची बैठक पार पडली. या बैठकीत महाराष्ट्रातील ४८ जागांपैकी आघाडीतील सर्वच पक्षांच एकमत झालं आहे. कोण कुठे लढणार हे जवळपास निश्चित झालं आहे. त्यामुळे जागावाटपावर उद्याची शेवटची बैठक असून त्यानंतर बैठक होणार नाही, अशी माहिती खासदार संजय राऊत यांनी पत्रकार परिषदेत दिली होती. यावेळी पृथ्वीराज चव्हाण, नाना पटोले, जितेंद्र आव्हाड उपस्थित होते. बैठकीला वंचित बहुजन आघाडीचे प्रतिनिधीही देखिल उपस्थित होते.

वंचितची सभा झाल्यावर त्यांच्या कार्यकारिणीची बैठक आहे. बैठकीत चर्चा करतील नंतर बैठकीला उपस्थित राहतील. जेव्हा प्रमुख नेते उद्धव ठाकरे आणि शरद पवार असतील तेव्हा जागा वाटपाचा मसुदा घोषित करतील. उद्या जागावाटप संदर्भात शेवटची बैठक असेल पण उद्या जागावाटपाचा मसुदा घोषित केला जाणार नसल्याचं राऊत यांनी स्पष्ट केलं होतं. मात्र वंचितने ठेवलेल्या प्रस्तावानंतर वाटाघाटी पुन्हा लांबण्याची शक्यता आहे.