ठाणे महानगरपालिकेच्या मुंब्रा भागातून विजयी झालेल्या सहर शेख यांच्या विधानानंतर आता एमआयएमचे नेते इम्तियाज जलील यांनी हिरव्या रंगाचे विधान केलंय. येणाऱ्या दिवसात नुसतं मुंब्रा नाहीतर अख्ख्या महाराष्ट्रात आमच्या हिरव्या रंगाला पसरवू, असं विधान त्यांनी आज केलंय. जलील हे आज मुंब्य्रात आले होते, त्यांनी नवनिर्वाचित नगसेविका सहर शेख यांची भेट घेत त्यांचे अभिनंदन केलं. त्यानंतर माध्यमांशी बोलताना त्यांनी हिरवा रंग पसरवण्याचं विधान केलंय.

सहर शेख यांनी AIMIM ऑल इंडिया मजलिस-ए-इत्तेहादुल मुस्लिमीन पक्षाकडून महानगरपालिकेच्या निवडणूक लढवली होती. निकालानंतर एका जाहीर सभेतील सहर शेख यांचा व्हिडिओ खूप व्हायरल होतोय. भाषणा करतानाची त्यांची ‘कैसा हराया’ हे बोलण्याच्या स्टाइलमुळे हा व्हिडिओ सोशल मीडियावर व्हायरल होतोय. याच भाषणात त्यांनी संपूर्ण मुंब्रा हिरवा करणार अलं विधान केलं होतं. त्यावरून चांगलाच वाद रंगला होता.

भाजप आणि शिवसेनेच्या नेत्यांकडून त्यांच्यावर टीका केली जाऊ लागली. इतकेच नाही तर सहर शेख यांनी वादग्रस्त विधान करून नये. चिथावणीखोर वक्तव्य करु नये अशी नोटीसदेखील मुंब्रा पोलिसांनी बजावली होती. त्यानंतर ऑल इंडिया मजलिस-ए-इत्तेहादुल मुस्लीमीन (AIMIM) नगरसेविका सहार शेख यांनी आपल्या एका वक्तव्याबद्दल माफी मागितली.

आता इम्तियाज जलील यांचं विधान व्हायरल

AIMIMच्या नवनिर्वाचित नगरसेविका सहर शेख यांच्या विधानावरून निर्माण झालेल्या वादानंतर आज इम्तियाज जलील यांनी त्यांची भेट घेतली. आज मुंब्य्रात आले असताना त्यांनी हिरव्या रंगाबाबत विधान केलंय. सहर शेख यांनी केलेले विधान चुकीचं नसल्याचं त्यांनी म्हटलं. यावेळी त्यांनी मुख्यमंत्री देवेंद्र फडणवीस यांचा एक व्हिडिओ दाखवला., हा व्हिडिओ छत्रपती संभाजीनगरमधील आहे.

तेथील एका सभेत बोलताना फडणवीस म्हणाले होते की, आज भगव्या छत्रपती संभाजीनगरची लाज राखली. या व्हिडिओवरून बोलताना जलील म्हणाले, तुम्ही भगवा रंगाबाबत बोलू शकतात. आणि जेव्हा आमच्या पक्षाच्या नगरसेविकाने हिरवा रंगाबाबत विधान केलं तर ते चुकीचं कसं? असा सवाल इम्तियाज जलील यांनी केलाय. पुढेल बोलताना जलील म्हणाले, आता पुढील काळात फक्त मुंब्रा नाही तर अख्ख्या महाराष्ट्रात आमचा हिरवा रंग पसरवू, असं वादग्रस्त विधान केलं.