सचिन गाड, प्रतिनिधी....

Jarandeshwar Sakhar Karkhana: आर्थिक गैरव्यवहारप्रकरणी 'ईडी'ने जप्तीची कारवाई केलेल्या साताऱ्यातील जरंडेश्वर साखर कारखान्याच्या संचालकांना न्यायालयाकडून दिलासा मिळाला आहे. मुंबई सत्र न्यायालयाने कारखान्याचे संचालक सचिन सिनगारे व गुरू कमोडिटीजचे जवाहरलाल छाजेड, सीए योगेश बगरेचा यांचा जामीन मंजूर केला आहे.

याबाबत सविस्तर माहिती अशी की, साताऱ्यातील (Satara) जरंडेश्वर सहकारी साखर कारखाना हा २०१० साली लिलावात काढण्यात आला होता. हा कारखाना गुरू कमोडिटी प्रा. लि. या कंपनीने अवघ्या ६५ कोटी ७४ लाखाला विकत घेतला. सातारा जिल्हा मध्यवर्ती बँकेने सुमारे ९६ कोटी रुपयांचे कर्ज जरंडेश्वर साखर कारखान्याला दिले होते.

कारखान्याची मूळ किंमत कमी असताना एवढ्या मोठ्या प्रमाणात या बँकांनी कर्ज दिल्याचे समोर आल्यानंतर 'ईडी'ने याप्रकरणी जप्तीची कारवाई केली. तसेच संचालकांवरही गुन्हा दाखल करण्यात आला होता. याप्रकरणी जामीन मिळावा, यासाठी कारखान्याचे संचालक सचिन सिनगारे व गुरू कमोडिटीजचे जवाहरलाल छाजेड, सीए योगेश बगरेचा यांनी मुंबई सत्र न्यायालयात जामिनासाठी अर्ज दाखल केला होता.

याप्रकरणी जामीन मिळावा, यासाठी कारखान्याचे संचालक सचिन सिनगारे व गुरू कमोडिटीजचे जवाहरलाल छाजेड, सीए योगेश बगरेचा यांनी मुंबई सत्र न्यायालयात जामिनासाठी अर्ज दाखल केला होता.

न्यायालयाने प्रत्येकी दोन लाखांच्या जात मुचलक्यावर जामीन मंजुर केला आहे. मात्र आरोपींनी देश सोडून जाऊ नये, पुराव्याशी छेडछाड करू नये, साक्षीदारांवर दबाव टाकू नये अशा अट लावण्यात आल्या आहेत. (Latest Marathi News)