Mumbai, Maharashtra, India Weather Forecast : रात्री मुसळधार पाऊस आणि दिवसा कडक ऊन पडत असल्यामुळे उकाडयाने मुंबईकर हैराण झाले आहेत. ऑक्टोबर हिटच्या तडाख्यामुळे मुंबईकरांच्या अंगाची लाही लाही होत आहे. आज मुंबईमध्ये पुन्हा एकदा पावसाचा अंदाज वर्तवण्यात आला आहे. तर राज्यात गुरुवारपासून पावसाची उघडीप असेल, असा अंदाज हवामान विभागाने वर्तवला आहे. २६ ते २९ दरम्यान फक्त द. महाराष्ट्रात ४ दिवस किरकोळ पावसाची शक्यता आहे. दरम्यान, दाना चक्रीवादळाचा धोका महाराष्ट्राला नसल्याचेही सांगण्यात आलेय. (Rain News in Maharashtra Today)

गुरुवारपासन महाराष्ट्रात पावसाची उघडीप मिळू शकते, असा अंदाज हवामान विभागाने वर्तवला आहे. २६ ते २९ दरम्यान फक्त द. महाराष्ट्रात ४ दिवस किरकोळ पावसाची शक्यता आहे. चार दिवसात दक्षिण नगर पुणे सातारा सांगली कोल्हापूर सोलापूर बीड धाराशिव लातूर हिंगोली नांदेड परभणी यवतमाळ वर्धा नागपूर भंडारा गोंदिया चंद्रपूर अश्या १८ जिल्ह्यात ढगाळ वातावरण राहून तुरळक ठिकाणी मध्यम ते हलक्या पावसाची शक्यता हवमान विभागाने वर्तवली आहे.

दिवाळीत दिलासा -

मुंबईमध्ये आज मुसळधार पावसाचा अंदाज वर्तवण्यात आला आहे. पण दिवळीमध्ये मोठ्या प्रमाणात दिलासा मिळू शकतो. एक नोव्हेंबर नंतर पावसाची पूर्णतः उघडीप मिळू शकते, असे सांगण्यात आलेय.

थायलंडच्या पश्चिम किनारपट्टीसमोर व अंदमान बेटांच्या उत्तरेला, बं. उपसागरात तयार झालेले कमी दाबाच्या क्षेत्राचे आज चक्रीवादळात रूपांतर होण्याची शक्यता आहे. गुरुवार ओडिसा व पश्चिम बंगाल किनारपट्टीवर आदळण्याची शक्यता आहे. त्यामुळे महाराष्ट्राला ह्या चक्रीवादळापासून कोणताही धोका नाही.