- सागर निकवाडे

Nandurbar :

लग्नसराई, सण आणि शाळांना सुट्टी लागली असल्यामुळे एसटी बसला प्रवाशांची गर्दी वाढल्याचे चित्र आहे. याबराेबर उन्हाळ्यात विविध गावाला जाण्यासाठी महिला प्रवासी लालपरीला जादा पसंती देत असल्याने राज्य परिवहन महामंडळाच्या उत्पनात भर पडत आहे. गेल्या चार महिन्यात एसटी महामंडळाच्या नंदुरबार आगाराने 24 कोटी 88 लाखांची कमाई केली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नंदुरबार जिल्हा गुजरात राज्याच्या सीमेवरती असल्याने अनेक कुटुंब रोजगारासाठी गुजरात राज्यात आहेत. ते पुन्हा घरी येत असून महाराष्ट्राची लालपरीला अधिक पसंती देताना दिसून येत आहे.

एसटीला प्रवाशांची गर्दी असली तरी महामंडळाच्या बसेस या मोठ्या प्रमाणावर नादुरुस्त असल्याने प्रवाशांना मोठा त्रास देखील सहन करावा लागत आहे. या नादुरुस्त बस एसटी महामंडाळाने लवकरात लवकर दुरुस्त करुन प्रवाशांना चांगली सुविधा द्यावी अशी मागणी हाेत आहे. (Maharashtra News)

Edited By : Siddharth Latkar