अकाेला : अकोल्यातील अकोट विभागातील कर्मचाऱ्यांनी विज देयक थकबाकी वसुली संदर्भात संदेश प्रसारीत करण्यासाठी महाराष्ट्रातील सर्वात उंच १६४६ मीटरवर असलेले कळसुबाई शिखर नुकतेच सर केले. महावितरणचे थकबाकी देयकाबबत "विज बिल भरा महावितरणला सहकार्य करा" अशा घोषणा देऊन माेहिमेस प्रारंभ झाला. जिद्द व चिकाटीच्या जाेरावर एकमेकांचे मनोधैर्य वाढवून आपल्या जिवाची पर्वा न करता महावितरणच्या कर्मचा-यांनी ही माेहिम सर केली. आमचे आमच्या खात्यावर असलेले प्रेम आणि वाढलेला विज देयक थकबाकीचा डोंगर कशा प्रकारे कमी करता येईल यासाठी आम्ही जागृती करण्याचा निर्णय घेतल्याचे कर्म-यांनी नमूद केले. mseb-mahavitran-employees-kalsubai-electricity-bills-akola-news-sml80

संपुर्ण महाराष्ट्रातील विज ग्राहकांना सामाजिक संदेश देण्याच्या उद्दीष्टाने तसेच चिंतेच्या अवस्थेत असलेले महावितरणचे अधिकारी व कर्मचारी यांचे मनोबल कळसुबाई शिखरा प्रमाणेच उंचविण्यासाठी शिखर सर करुन कर्मचा-यांनी तेथे राष्ट्रीय ध्वज फडकवला.

तेथे mahavitran employees at kalsubai कर्मचा-यांनी राष्ट्रगीत गायिले. थकीत विज बिल भरा महावितरणला सहकार्य करा, विजेची बचत काळाची गरज, सुरक्षा साधनांचा वापर करा जिवितहानी टाळा, विज चोरी टाळा असे फलक हातात घेऊन जागृतीपर संदेश दिला.

या मोहिमेत नेहमीच उत्कृष्ट काम करणारे आणि सामाजिक कार्यात पुढकार घेणारे अकोट उपविभागातील योगेश जयकुष्ण वाकोडे (वरिष्ठ तंत्रज्ञ), अकोट विभागातील कर्मचारी मानव संसाधन विभागातील अरूण देवबाजी दावले, वित्त व लेखा विभागातील किरण मधुकर पवार, सचिन विकास कुलट (वरिष्ठ तंत्रज्ञ), ,मनिष सुभाषराव डाबरे (तंत्रज्ञ) ,गोपाल केदार (कंत्राटी कर्मचारी) तसेच अरविंद विष्णुपंत बानेरकर (कंत्राटदार) सहभागी झाले होते.

edited by : siddharth latkar