- अमर घटारे

Amravati News : अंजनगाव सूर्जि तालुक्यातील खानापूर पांढरी येथे आदिवासी महिलेचा खून झाल्याची घटना आज (शुक्रवार) उघडकीस आली आहे. या घटनेनंतर पोलिसांचे पथक संशियताचा शाेध घेण्यासाठी विविध ठिकाणी रवाना झाल्याची माहिती प्राप्त झाली आहे. (Maharashtra News)

पाेलिसांकडून मिळालेल्या माहितीनूसार या घटनेत मध्य प्रदेशातील मालेगाव येथील बसंती इवने ही महिला 10 वर्षीय मुलासह ज्ञानेश्वर दाभाडे यांच्या शेतात मजुरी काम करत होती. त्याच शेतात संशयित गौरव नामक हा देखील काम करत होता.

गौरवने या आदिवासी महिलेला मारहाण करून विहिरीत ढकलून तिचा खून केला. हा सर्व घटनाक्रम महिलेच्या दहा वर्षीय मुलाने पोलिसांना सांगितला. यावेळी मुलगा पाेलिसांसमाेर ढसाढसा रडला.

दरम्यान अनैतिक संबंधातून हा खून झाला असावा असा पोलिसांचा अंदाज आहे. या प्रकरणी पाेलिसांनी (police) गुन्हा दाखल केला आहे. संशयिताच्या तपासासाठी विविध ठिकाणी पाेलिसांचे पथक रवाना झाले आहे.

Edited By : Siddharth Latkar