- विनायक वंजारे

Sindhudurg News : नितेश राणे हे मराठा समाजाचे मारेकरी आहेत. मनोज जरांगे पाटलांच्या विरोधात नितेश राणे आहेत. एकीकडे संरक्षण द्या अशी मागणी करायची आणि दुसरीकडे धमकवायचे अशी दुतोंडी भुमिका नितेश राणेंची आहे अशी टीका खासदार विनायक राऊत यांनी भाजप आमदार नितेश राणे यांच्यावर केली. खासदार विनायक राऊत हे आज सिंधुदुर्ग येथे माध्यमांशी बाेलत हाेते. (Maharashtra News)

खासदार राऊत (vinayak raut) म्हणाले ३१ डिसेंबर ही अपात्रतेची डेडलाईन असल्यामुळे शिंदे सरकारने आपलं राजकीय निवृत्तीचं मरण पुढे ढकलण्यासाठी जरांगे पाटलांवर दबाव टाकून मराठा आरक्षणावर २ जानेवारीची मुदत वाढ घेतली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महाराष्ट्र सरकारने मराठा समाजाची फसवणूक केलेली आहे असा आरोप खासदार विनायक राऊत यांनी केला आहे. निवृत्त न्यायाधीश अथवा ज्यांचा मराठा आरक्षणाबाबत संबंध नसताना सरकारने असे लाेक मनाेज जरांगे पाटील यांच्याकडे पाठवली. त्यानंतर झालेल्या चर्चेतून हा विषय पुन्हा काही दिवस पुढे गेल्याचे खासदार राऊत यांनी नमूद केले.

Edited By : Siddharth Latkar