चंद्रपूर : चंद्रपूर जिल्ह्यातील ब्रह्मपुरी शहराजवळ असलेल्या मालडोंगरी येथील महिलेने घरगुती वादातून स्वतःच्या दोन मुलांसह विहिरीत उडी घेऊन आत्महत्या (Suicide) केल्याची घटना उघडकीस आली. दीपा रवींद्र पारधी ( 33) असे मृतक महिलेचे नाव असून आयुष रवींद्र पारधी (6) पियुष रवींद्र पारधी (3) अशी मृत बालकांची नावे आहेत.

हे देखील पहा :

मालडोंगरी (MaldongarI) येथील रवींद्र मुरलीधर पारधी व त्यांची पत्नी दीपा रवींद्र पारधी, आयुष आणि पियुष ह्या दोन मुलांसह राहत होते. घटनेच्या आधीच्या रात्री पती रवींद्र व पत्नी दीपा यांच्यामध्ये वाद (Disputes) झाल्यामुळे रागाच्या भरात पत्नी दीपा आपल्या दोन मुलांसह घरून निघून गेली. पती रवींद्र याने नातेवाईक-शेजार्‍यांसह शोधाशोध सुरु केली.

आज सकाळी मालडोंगरीकडे जाणाऱ्या मार्गालगत असलेल्या शेतातील विहिरीत गावकऱ्यांना दीपा, आयुष व पियुष ह्या तिघांचे मृतदेह तरंगताना दिसून आले. घटनेची माहिती पोलिसांना (police) देण्यात आली. त्यानंतर गावकऱ्यांच्या सहकार्याने तिन्ही मृतदेह बाहेर काढण्यात आले आहेत. नेहमीच होणारे पती-पत्नीतील वाद यामागचे कारण असावे, अशी शंका आहे. ब्रह्मपुरी पोलिस याप्रकरणी अधिक तपास करीत आहेत.

Edited By : Krushnarav Sathe