Buldhana News : सिंदखेडराजा (sindhkhed raja) शहरात सध्या अंतर्गत जलवाहिनी अंथरण्याचे काम सुरू आहे. या कामामुळे अनेक भागांत पाणी विलंबाने येत असल्याची ओरड होत आहे. जिजामाता नगरातील नवीन जलवाहिनी अंथरण्याचे काम पूर्ण होऊन दोन महिने झाले मात्र या भागातील नागरिकांना पाणी मिळत नसल्याने संतप्त नागरिकांनी नगरपालिका कार्यालयावर मोर्चा काढला. (Maharashtra News)

शहरातील अंतर्गत जलवाहिनी बदलण्यासाठी जवळपास २९ कोटी रुपयांची योजना मंजूर झाली. दरम्यान, या योजनेचे काम सुरू झाले असून शहरात अनेक प्रभागात नाली खोदकाम करून जलवाहिनी अंथरण्याचे काम सुरू आहे.

जिजामाता नगरात हे काम पूर्ण झाले आहे. मेन लाइनची जोडणी झाली नसल्याने सिंदखेडराजा येथील नागरिकांनी नगरपालिकेवर मोर्चा काढून रोष व्यक्त केला. येत्या दाेन ते तीन दिवसांत सुरळीत पाणी पुरवठा केला गेला नाही तर उग्र आंदोलन करून असा इशारा संतप्त नागरिकांनी दिला आहे.

Edited By : Siddharth Latkar