अभिजीत सोनवणे

नाशिक : नाशिकमध्ये Nashik स्वस्तात सोनं देण्याचं आमिष दाखवून एका डाळिंब व्यापाऱ्याची 75 लाख रुपयांची लूट करणाऱ्या तिन जणांच्या टोळीला अवघ्या 48 तासात अटक करण्यात नाशिक पोलिसांना Police यश आल आहे. विशेष म्हणजे आरोपींनी लूटलेली 75 लाखांची रोख रक्कमही पोलिसांनी हस्तगत केली आहे. Money laundering gang arrested in nashik

या चोरांनी नाशकातल्या डाळिंब व्यापाऱ्याची फसवणूक करून तब्बल 75 लाख रोख रक्कमेची लूट करून पोबारा केला होता. मात्र नाशिक पोलिसांच्या सतर्कतेमुळे अवघ्या 48 तासात या भामट्यांना अटक करण्यात यश आलं आहे. नाशिकच्या एका डाळींब व्यापाऱ्याला मुंबईच्या एका कस्टम अधिकाऱ्यांचं अडीच किलो सोनं 75 लाख रुपयांत देण्याचं आमिष या टोळीनं दाखवलं होते.

हे देखील पहा -

त्यांनंतर या व्यापाऱ्याचा Merchant त्यांनी विश्वास संपादन केला. पेठरोडवरील फळ मार्केटमध्ये व्यापाऱ्याला अडीच किलो सोनं देऊन व्यापाऱ्याकडून 75 लाखांची रोख रक्कम घेऊन ही टोळी पसार झाली. मात्र संबंधित व्यापाऱ्याने सराफाकरवी सोन्याची Gold शुध्दता तपासली. शुध्दता तपासली असता ते सोन बोगस असल्याचं निष्पन्न झाले. यानंतर संबंधित व्यापाऱ्याने पोलीस ठाण्यात तक्रार दाखल केली. त्यानंतर पोलिसांनी वेगानं तपासाची चक्र फिरवत 75 लाख रुपयांच्या रोख रकमेसह तिघा आरोपींना अटक केली.

स्वस्तात सोनं अथवा इतर आमिष दाखवून फसवणुकीचे आणि लुटीचे अनेक प्रकार याआधी अनेकदा उघडकीस आलेत. अशा भामट्यांच्या जाळ्यात न अडकण्याचं आवाहनही वेळोवेळी पोलिसांकडून करण्यात येतं. मात्र तरीही अशा भामट्यांच्या भूलथापांना बळी पडून कपाळावर हात मारून घेण्याची वेळ अनेकांवर येते. नाशिकच्या या प्रकरणात पोलिसांनी वेळीचं गुन्हेगारांच्या मुसक्या आवळल्या असल्या, तरी यापुढे असे फसवणुकीचे प्रकार घडू नये, यासाठी नागरिकांनीही सतर्क राहण्याची गरज आहे.

Edited By-Sanika Gade