मोहरम हा इस्लामिक कॅलेंडरचा पहिला महिना असून तो इस्लामिक नवीन वर्षाची सुरुवात मानला जातो. इस्लामिक कॅलेंडर चंद्र आधारित असल्यानं मोहरमची तारीखही चंद्रदर्शनावर ठरत असते. त्यामुळे दर वर्षी मोहरमच्या तारखेत बदल पाहायला मिळतो. या वर्षी भारतात मोहरमची तारीख 6 जुलै आहे. पण चंद्र एक दिवस उशीरा दिसला तर एक दिवस पुढे म्हणजे 7 जुलैपासूनही मोहर्रमची सुरवात होऊ शकते. यामुळेच देशातील विविध राज्यांमध्ये मोहरमची सुट्टी वेगवगेळी असू शकते. त्यामुळे नागरिकांनी स्थानिक प्रशासन तसेच विद्यार्थ्यांनी शाळेच्या नोटीसकडे लक्ष द्यावे. त्यामुळे देशभरात कोणत्या सेवा बंद राहतील आणि कोणत्या सुरु राहतील? पाहूयात...

सुट्टीच्या दिवशी काय बंद राहणार?

- शाळा-महाविद्यालय आणि विद्यापीठ बंद राहणार

- सरकारी कार्यालय आणि बँका बंद असणार

- ऑनलाइन बँकिंग सेवा आणि डिजिटल व्यवहार सुरू

- कॉर्पोरेटमध्ये विशेष रजा किंवा रजेचा पर्याय दिला जाऊ शकतो

- वाहतूक आणि इतर अत्यावश्यक सेवा सुरु राहणार

- मोहरमला शेअर बाजाराला सुट्टी नाही

- 6 जुलैला रविवार असल्यानं शेअर बाजार नेहमीप्रमाणे बंद

मुळात भारत सरकारने मोहरमनिमित्त राष्ट्रीय सार्वजनिक सुट्टी म्हणून घोषित केली असली तरी चंद्र दर्शनानुसारच राज्य सरकार सुट्टी लागू करण्याबाबत निर्णय घेईल...