- अमर घटारे

Amravati News : अमरावती महानगर पालिकेअंतर्गत येणाऱ्या अमरावती आणि बडनेरा शहरातील विविध समस्या सुटाव्यात यासाठी आज मनसेनं अमरावती महापालिकेवर मोर्चा काढला. या माेर्चात शेकडाे महिला आणि मनसेचे पदाधिकारी, कार्यकर्ते सहभागी झाले होते. (Maharashtra News)

बडनेरा, अमरावतीची जनता महानगर पालिकेच्या भोंगळ कारभारामुळे पूर्णतः त्रस्त झाली आहे. जनतेवर मालमत्ता कर, साफसफाई कर असे विविध प्रकारचे कर लादून त्याबदल्यात पुरविल्या जाणाऱ्या सोयी-सुविधांबाबत जनतेमध्ये असंतोष निर्माण झालेला आहे असे मनसैनिकांनी नमूद केले.

शहरातील साफसफाई स्वच्छता, रस्त्यांवरील खड्डे बाबतीत मनसेने वारंवार आंदोलन केली पण अजूनही अंमलबजावणी झाली नाही. सोबतच घरकुल आणि पीआर कार्डच्या समस्येवर ही आवाज उठवला आहे. दरम्यान या आंदाेलनानंतर परिस्थिती सुधारली नाही तर तीव्र आंदाेलन छेडू असा इशारा मनसैनिकांनी (mns) दिला.

Edited By : Siddharth Latkar