सांगली : सरकारने तीन मे पर्यंत मशिदीवरील भोंगे काढावेत अन्यथा सांगली (sangli) जिल्ह्यातील ज्या मशिदींवर भाेंगे (loudspekaer) असतील त्याच्या समाेर महाराष्ट्र नवनिर्माण सेना (mns) हनुमान चालिसा (hanuman chalisa) लावणार असा इशारा मनसेनी आज येथे राज्य शासनास दिला. (maharashtra navnirman sena latest marathi news)

मनसे जिल्हाध्यक्ष तानाजी सावंत माध्यमांशी बोलताना म्हणाले गुढी पाडव्याच्या मेळाव्यात मनसेचे प्रमुख राज ठाकरे यांनी भोंग्याचा विषयी सरकारला अल्टीमेटम दिला आहे. हा राजकीय विषय नूसन सामाजिक विषय असताना देखील राष्ट्रवादीने (ncp) वातावरण गढूळ केले आहे. आमचे तर म्हणणे आहे राष्ट्रवादी जातीयवादी आहे.

सांगलीत मनसेकडून इफ्तार पार्टीचे आयाेजन केले जाणार आहे. सांगली जिल्ह्यात सगळं व्यवस्थित सुरु असताना मंत्री जयंत पाटील हे मुस्लिम समाजात राज ठाकरेंविषयी विषय पेरण्याचे काम करीत आहेत. राज ठाकरे यांची भुमिका स्पष्ट आहे. तीन मे नंतरच ते पुढील दिशा ठरविणार आहेत. दरम्यान हा विषय केंद्राकडे ढकलला जात आहे. मताच्या राजकारणासाठी सगळं सुरु आहे असेही सावंत यांनी नमूद केले.

Edited By : Siddharth Latkar