जालना : नगर पंचायत निवडणुकीत भाजपा आमदार नारायण कुचे आणि शिवसेनेचे माजी आमदार संतोष सांबरे यांच्यात तुफान राडा झाला आहे. वार्ड क्रमांक 12 व 13 च्या मतदान केंद्रा बाहेर राडा झाला आहे. माजी आमदार आणि आजी आमदारांचे कार्यकर्ते आमने-सामने आलेले पाहायला मिळाले. दोन्ही कार्यकर्त्यांत मतदान केंद्राच्या बाहेर तुंबळ हाणामारी झालेली पाहायला मिळाली.

बदनापूर नगर पंचायत निवडणुकीत (Nagar Panchayat Election) आमदार नारायण कुचे यांनी कॉलेजचे विद्यार्थी मतदानाला आणल्याचा आरोप शिवसेनेचे (Shivsena) माजी आमदार संतोष सांबरे व त्यांचे बंधू भरत सांबरे यांनी केला आहे. या आरोपावरुन दोन्ही गटात तुंबळ हाणामारी झालेली पाहायला मिळाली आहे. औरंगाबाद जालना महामार्गावरील वार्ड क्रमांक 12 आणि 13 च्या मतदान केंद्रा बाहेर हाणामारी. भरत सांबरे यांनी आमदार नारायण कुचे यांना ही मारहाण केल्याची चर्चा आहे.

Edited By: Pravin Dhamale