Prithviraj Chavan News : राष्ट्रवादीचे अध्यक्ष शरद पवार यांच्या ‘लोक माझे सांगाती’ (lok maze sangati) या शरद पवार यांच्या राजकीय आत्मकथेच्या सुधारित आवृत्तीचं प्रकाशन आज मुंबई येथे झालं. त्यावेळी पवार यांनी पक्षाच्या अध्यक्षपदावरुन निवृत्त होण्याचा निर्णय जाहीर (Sharad Pawar Announces Resignation as NCP President) केला.

या निर्णयानंतर काॅंग्रेसचे ज्येष्ठ नेते आमदार पृथ्वीराज चव्हाण (prithviraj chavan) यांनी हा त्यांचा वैयक्तिक निर्णय आहे. राजकारणात त्यांना मानाचं स्थान राहील. या निर्णयाचा मविआवर काेणताही परिणाम हाेणार नाही असे नमूद केले. (Breaking Marathi News)

आमदार पृथ्वीराज चव्हाण म्हणाले राष्ट्रवादीचे अध्यक्ष शरद पवार यांनी राष्ट्रवादी कॉंग्रेस पक्षाच्या अध्यक्षपदावरुन निवृत्त होण्याचा निर्णय जाहीर केला आहे. पुढील तीन वर्ष ते राजकारणात सक्रिय राहतील असेही त्यांनी म्हटलं आहे.

त्यांना राजकारणात भविष्यात देखील आदराचं, मानाचे स्थान राहिल यात काेणतीही शंका नाही. या निर्णयानंतर महाविकास आघाडीत (अंतर्गत) काहीही बदल हाेणार नाही. आमच्या काॅंग्रेसमध्ये साेनिया गांधी या पक्षाध्यक्ष हाेत्या. आता खर्गे आहेत. त्यामुळे राष्ट्रवादी पूरता हा बदल असेल असेही आमदार पृथ्वीराज चव्हाण यांनी नमूद केले.

Edited By : Siddharth Latkar