Ujani Dam News : येत्या काही दिवसात उजनी धरणातून कालव्याद्वारे पाणी सोडले नाही तर सोलापूर जिल्ह्यातील शेतक-यांचे सुमारे दोन हजार कोटी रूपयांचे आर्थिक नुकसान होणार आहे. प्रसंगी सोलापूर शहरासाठी टॅंकरने पाणी पुरवठा करा पण उजनीच्या उजवा आणि डाव्या कालव्यातून तातडीने पाणी सोडावे अशी मागणी आमदार बबन शिंदे (mla baban shinde) यांनी केली आहे. (Maharashtra News)

सध्या उजनी धरणात उपयुक्त 13 टक्के पाणीसाठा (ujani dam water level) शिल्लक आहे. शेतीसाठी आणि जनावरांसाठी धरणातून कालव्याद्वारे दहा टीएमसी सोडले तरी 50 टीएमसी पाणी शिल्लक राहणार आहे.

सध्या सोलापूर जिल्ह्यात दुष्काळजन्य परिस्थिती निर्माण झाली आहे. पावसाने पाठ फिरवल्याने ऊस पिक जळू लागले आहे. धरणातून पाणी सोडले नाही तर जिल्ह्यातील शेतकऱ्यांचे सुमारे दोन हजार कोटी रुपयांचे नुकसान होणार आहे.

सोलापूर शहराला टॅंकरने पाणी पुरवठा करण्यासाठी दोनशे ते अडीचशे कोटी रुपये लागतील तुलनेने शेतक-यांचे होणारे नुकसान मोठे आहे. कालवा समितीच्या बैठकीत पाणी सोडण्यावर सकारात्मक चर्चा होईल असा आशावाद आमदार शिंदे व्यक्त केला. दरम्यान पुणे जिल्ह्यातील धरणातून सध्या तरी उजनीत पाणी सोडण्याची गरज नसल्याचेही आमदार बबन शिंदे यांनी सांगितले.

Edited By : Siddharth Latkar